اليوم الوطني

يا وطنا دام عزك شامخ والدين سيرة
.................. مارضينا غير ارضك نسكن ونعشق ثراها


انتمي لك والفخر لي شخص وارضه جزيرة
.................. من يلوم اللي يحبك ام وتغلي ضناها


يالسعودي بس اسمك لا لمع في كل ديرة
.................. والله انه تاج اكبر من على هامة سناها


شعب ودستور وأمه ترتوي من فيض خيره
.................. لا عدمنا من حكمنا ولا نسينا من بناها


من شمالك لي جنوبك كل شبر فيه غيره
.................. حاسدك ربي يعينه مادرى انه ما نساها


يحتمي بك رغم غيضه اه ياشين البصيره
.................. وين ماترحل عيونه يرجع ويذكر سماها


كل حرف لا كتبته غير اسمك استشيره
.................. وين يا كلي تمهل ارفق ولملم حلاها


ايه احبك يا بلادي دون شك ودون حيره
.................. كل عرق لا نشدته قال ينبض من غلاها


يا فديتك بالمشاعر والا روحي لك ذخيره
.................. ما تردينا من اول كيف لاجت في سواها


يحفظك رب كريم من صودايف عسيره
.................. يا منار الحق للي ضاعت حقوقه لقاها


دام ابو متعب يقودك سيري دروبك يسيره
.................. والمواطن في يمينه خط ما نبغى سواها


ايه احبك يا بلادي دون شك ودون حيره
.................. كل عرق لا نشدته قال ينبض من غلاها


يا فديتك بالمشاعر والا روحي لك ذخيره
.................. ما تردينا من اول كيف لاجت في سواها

دار ياللي بحكم الله معموره >>> ثم باللي سعولك تحت واليهم

يوم فتح الرياض ونصر اخو نوره >>> ويوم وردت على المصمك هناديهم


كلمات بدر بن عبد المحسن

""""""
ألا ياحي هالتاريخ تاريخ أول الميزان >>>>توحد به كيان المملكة باسم السعودية
عساها كل عام بزود خير وعز واطمئنان >>>تحت حكم الزعيم اللي سعى له بالرفاهيه

الشاعر ناصر بن عبدالله المسيميري

""""""""""""""
يوم الوطن للمملكة مثل الأعياد >>>يوم عزيز كل ما دار عامه

ذكرى الزعيم الفذ قيدوم الأمجاد >>> صقر الجزيرة فخرها بالزعامه

الشاعر عبدالله بن سعود الصقري

"""""

يابـلاد الخـيـريـاأرض السـلام
........................يابـلاد العـز والمجـد العـظيم
عـزك الرحـمن خــلاق الانـام
........................عـزك بمكـه وزمـزم والحطيم

كلمات صقر النوايف

عسى الله يحفظك يادارنا دار الكرم والجـود>>>وتبقـى رايـة التوحيـد خفـاقـه سعـوديـه

فارس الدلبحي

""""""""""
تدري منهو يفتخر بأسم البلاد >>> السعودي لاسئل من اي دوله


كلمات نايف الطيار

يقول الأمير خالد الفيصل:
لاح يوم الوطن والعز لاح وكلمة الله على البيرق تلوح
يوم الاسلام يا يوم الفلاح والوطن كل روح له تروح
فوق الايمان ركبنا السلاح والمقابيل بالخافق تبوح
الله اكبر مثل ضرب الرماح سيلت في خفى الباغي جروح


وفي رائعة أخرى يقول:
البست شعري غترة وبشت وعقال وخليت تغريب المذاهب لغيري
في ساحتي للفكر مليون منهال وبحري بمكنوز المعرفة غزيري


* وهذا مهندس الكلمة الامير بدر بن عبد المحسن في احدى قصائده يقول للوطن:
عزنا الاسلام هو غاية فخرنا فيه سر وجودنا ونموت دونه
أرضنا ارض الذهب وانقى المذاهب والرجال اللي عهدهم يحفظونه

* ومن قصيدة أخرى يقول:
«صرخة» ذكرتك يوم واليوم مو عود لجل الوفا لراعيك موفي الوعايد
كني بوقت راح حاضر وموجود في يوم عشاة المجد.. عله هايد
وكن «المربع» توه اليوم مشيود جدران طين اطمام سقفه جرايد
قصر بنى للعدل والطيب والجود سوره ذرا للناس وفرشه وسايد


* كذلك من قصيدة أخرى يقول:
الله الاول وعزك يا الوطن ثاني لأهل الجزيرة سلام وللملك طاعه
حنا جنود الحرس للقايد الباني رمحه.. ودرعه وكف الشيخ وذراعه
مثل السيوف البواتر وان جنى الجاني يضرب بها ارقاب من بالدار طماعه
من بان عبد العزيز وصبحنا باني ما عاد نقبل ضلام الليل لوساعه
في السلم يشهد لنا عمر الاوطاني وفي الحرب لارواحنا للموات بياعه

* ومن رائعة أخرى يقول الامير بدر بن عبد المحسن:
أرفع الراس يا الحر القطام واكثر الحمد.. للي صانها
انت فالمجد لك راس السنام وعزة الناس من اوطانها
انت الاول اللي سل الحسام وقالوا الخيل من فرسانها
الفخر لك ولا تسمع كلام لا يهمك حكي عدوانها
ديرتك من عشقها ما يلام ويغضب الله على من خانها

* ومن قصيدة للأمير محمد الاحمد السديري:
ياللي لكم في منبر المجد محراب نلتوه من عقب الكدر والمصايب
نلتوا رفيع المجد بسيوف وحراب وعدوانكم شافوا كثير الغلايب
بحزم ولطم فيه تقطيع الارقاب وعزم جلاميد الصخر منه ذايب
وحرب مرير فيه تقتيل الاشناب يقلب شعر راس الولد منه شايب
يشهد لهم بالطيب من وسط الاصلاب والحي واللي حد رعوج النصايب
صفوة هل العوجا مهدين الاصعاب تارد حياض الموت ورد الجلايب

* ويقول الامير سعود بن بندر بن محمد رحمه الله:
مشتاق لك يا كل ما في بلادي شوق الرياض للسيل وادي حنيفه
رغم الفراق وطول وقت البعادي حبك يزيد ولهفتي لك عنيفه
ولهان لك وله الحضر والبوادي لخضرة ربيع ضاحك الوجه ريفه
عطشان اشوفك مثل كل وادي ثراه ضامي للحيا عقب حيفه
يا نجد لك منزل بداخل فؤادي يشبه جبال طويق هاك المنيفه
يا ليت والله ديرتي في مرادي او ليت قلبي دايم يطيع كيفه

ويقول الشيخ محمد بن ابراهيم «الوافي»:


راية الاسلام بالعز منصوره
ودولة التوحيد بظلال قايدها
شرعنا الاسلام من عهد اخو نوره
البلاد اللي على الشارع وحدها
من بحر جده الى راس تنوره
ومن ورا الخرخير لطريف وحدها
الامام اللي مساعيه مشكوره
سيرة المختار جاهد وجددها
بعد مية عام من وضع دستوره
كل شبر سيرة الليث جودها
يالله انك تسقي العود وقبوره
واحفظ الباقين في عز وايدها
اسرة في نصر الاسلام مشهوره
السعود الله ينصره يساعدها
يا ذرا الشعب السعودي ويا سوره
الولايه والعهد لك نجددها
يا البلاد اللي على الخير مفطوره
ما احد ينكر جهودك ويجحدها
اسمها يعرف على كل معموره
حاكم كل المشاريع شيدها
نهضة بالمملكة صارت اسطوره
والمعارف صار بالعلم رايدها
المعارف اول انتاج باكوره
بصمته في كل حاجه تقلدها
في سماء مكة وطيبه طلع نوره
شامخ في خدمة الدين يجمدها
دارنا في كل الاقطار مذكوره
وكل مسلم يحترمها ويقصدها
ما أحد سوى سواته ولا دوره
سيرته بالخير كل يرددها
الفهد واخوانه الفعل والصوره
مانحصر افعالهم لو نعددها
امرنا شورى وراضين في شوره
ومملكتنا في ولانا نعاهدها
من نوى تخريبها تقصر شبوره
يحترق في نارنا اللي يهددها
من يجرب جربنا يقصد شعوره والله انه لو سلم ما تعودها

* كذلك يقول عبد العزيز عبد الله السناني:
هذا الوطن والعدل يلبس شعاره
بيرق بلدنا في سما المجد خفاق
دار غدت بالدين نور ومناره
في ظلها تولد مفاهيم الاخلاق
وجهي سعودي ولكواكب مزاره
طموح جاوز بالزمن حد الافاق
ياحظ من هو دار الامجاد داره كل القلوب بحبها تمطر اشواق

* ويقول الشاعر أحمد الناصر الاحمد:
زان القصيد وقيمت الشعر لا زان
انك على اللي يعشقونه تذيعه
يقولها الي عارف كل الاوزان
نظم الشعر عنده من الله طبيعه
جال النظر والفكر في كل الاوطان
والله ما يوجد بكل الوسيعه
دوله سحابه خير واشجار امان
دوحة رخا في ظل حكوم الشريعه
اعني السعوديه لها المجد عنوان
معروفه في منزلتها الرفيعه
الشعب والقادة يعلون الاركان
كل الوفاء بارض الجزيرة جميعه
ان جيت لداخل ولا الشعب فرحان وان رحت بالراء شفتها بالطبيعة

* ومن رائعة اخرى يقول:
همست كتاب للأحبة رقيقه من خاطر يهوى القصائد والاشعار
هذا الوطن للمجد وجه طريقه واجب علينا نفرش الدرب بازهار
ذخر مشاريع الوطن بالدقيقه كثر الدقايق عندنا انجاز واعمار

* وهذه قصيدة للوطن من شعر نوال الراشد:
مرحبا بالحرف في حب الوطن مرحبا واغلى تراحيب القصيد
يا بلاد في ذرا العليا سكن منبع للنور والمجد التليد
هو غلاك اللي كسب روحي رهن او دريت العمر في حبك يزيد
بانقش الشيله من حروفي لحن كان يكفي او تبي دم الوريد
في ترابك كم لهت كفي زمن ذكريات كنها لي يوم عيد

* ويقول الشاعر عبد الله السلوم رحمه الله:
اليوم هو يوم الوطن يوم الافراح
يوم تجلى فيه معنى السعاده
يوم غلاه مداخل كل الارواح
في كل عام يزيد حبه زياده
له قصة توج هدفها بالامداح
متلاحم فيها الوطن والقياده
قصة بطلها ما توقف ولا ارتاح
حتى بنى مجد الجزيرة وشاده
حر يباريه السعد وين ما راح
ان شاف طير يدرج الحوم صاده
ياما سهر لين ابلج الصبح ينباح ما حط راسه فوق لين الوسادة

كل المعاني السامية قد تجلت
باعظم بطولة قادها الصقر شيهان

عبدالعزيز بهمةٍ قد تعلت
صمّم على حلمه وحققه مالان

دخل رياض العز من بعد ملّت
فراق سادتها وهو حيل عطشان

واقبل لها خاطب وهي له تحلت
يدفع لها مهر ٍ تغلى بالاثمان

مهره لها جد ٍ وروح ٍ تملت
عزم ٍ وتصميم ٍ ومجهودْ وإيمان

ورحبت بالشيخ حب ٍ وهلت

وصارت لذاك الصقرمربع وميطان

وعاشت بظله وافية ما تخلت
تحفظ له المعروف لو طالت ازمان

نفسه عزيزة ما حصل يوم كلّت
ايلين وحدها بتوفيق رحمان

وصارت بلادْ موحدة واستقلت
عن كل ضيمْ وعاشت بعزْ وامان

وشفنا السعادة والمسرات حلت
وصرنا بفضل الله في وضع الاخوان

من عقب تشتيتٍ وحربٍ تصلت
وظلم ٍ وتشريد ٍ وقتل ٍ وعدوان

عشنا الحضارة والجهالات ولّت
والنهضة العظمى على كل ميدان

مصانع ٍ قامت وفيها استظلت
بيض السحاب اللي لها فوق عـُـلوان

والجامعات بكل الارجا تعلت
منها تخرج كل عالم وفهمان

والا المدارس يوم بالنور شلت
الناس من جهل ٍتأصّل بالابدان

وعندنا القوات بالنصر خلّت
المعتدي يرجع ذليل ٍ وخسران

يافخرنا يوم المطاليق سلّت
سيوفها اللي حطمت كل شيطان

بالمملكه كل المخاليق صلّت
حمد ٍ لمن قيّض لنا ذاك الانسان

عبد العزيز اللي له الكود ذلّت
ايلين وصّل حدها حد نجران

انا سعوديـــــــــــــــه وكلي فخر
عــــزي في بــــــلادي الغـــــــــــــــالية
السعوديـــــــة عاشت ومازالت
رمزحضارة الخـــــــــالدة والغالية
والله شرفها بارضيها المقدسة
مقصد كل مسلمين العـــــــالم بجنة
لكن لاننسى الله شرفــــــــــــــها
ونورها بعد بوجــــــود مليكــــــــــها
هذا بو متعب ظهوره مثل القمر
يوم اكتـــــــــمل طلته مثــــــل الورد
تـــــــاج راســــــــي وراس كل
سعـــــــــــودي وكلنـــــــــــــا نفتخــر
الله يخلي له صحتـــــه وعافيته
ويطـــــول عمـــــــــره ويحفـــــــــــطه
عزوشرف لي ونقول بعالــــــي
الصوت هذا بو متعب تاجي عز وفخر

هدول عن دول العالم مو عن وطني